Најдобриот играч во историјата на Голден стејт ворирорс, Стеф Кари, имаше уште една магична ноќ откако зад своето име запиша 50 поени во победата над Атланта хокс од 127:113.
Со одличен шут од поле, 14 погодени од 28 обиди, како и девет тројки, Кари повторно блескаше во новата победа на својот тим, кој игра како во најдобрите денови.
Покрај 50 поени, Кари имаше и 10 асистенции, со што стана најстариот играч во историјата на НБА-лигата со ваков учинок.
Голден стејт има девет победи и еден пораз по десет одиграни натпревари во Западната конференција, со што се наоѓаат на првото место на табелата.
Далас маверикс го победи Њу Орлеанс пеликанс со 108:92, а Лука Дончиќ исто така имаше одлична партија запишувајќи 25 поени, пет скока и пет асистенции.
Лос Анџелес лејкерс, пак, славеа над Шарлот хорнетс дури по продолженијата со 126:123, а беа предводени од Ентони Дејвис со 32 поени и 12 скокови.
НБА
Филаделфија – Њујорк Никс 96:103
Чикаго Булс – Бруклин Нетс 118:95
Мемфис Гризлис – Минесота Тимбервулфс 125:118
Далас Маверикс – Њу Орлеанс Пеликанс 108:92
Денвер Нагетс – Мајами Хит 113:96
Голден Стејт Ворирорс – Атланта Хокс 127:113
Сакраменто Кингс – Феникс Санс 104:109
Лос Анџелес Лејкерс – Шарлот Хорнетс 126:123
