Српскиот кошаркарски репрезентативец и член на новиот евролигаш Дубаи, Алекса Аврамовиќ, нема да може да игра во следните два месеци откако бил повреден од физиотерапевтот на Дубаи при истегнување, изјави новинарот и ТВ коментатор Един Авдиќ во својот подкаст.
Аврамовиќ ја повреди петата за време на Евробаскетот ова лето на натпреварот против Турција, и уште не се опоравил од тоа, а се здобил со нова повреда која според Един му ја нанел физиотерапевт на Дубаи.
„Се очекува Алекс да отсуствува од осум до 12 недели поради повреда на коленото. Според информациите што ги имам, тој бил повреден од физиотерапевт, што е прилично бизарна ситуација. Имаше повреда на петата, а ова сега е свежа повреда од пред неколку дена. Физиотерапевтот веројатно премногу му ја истегнал ногата додека се истегнувал. Не можете да верувате дека тоа може да се случи, но ете… Поради тоа се соочува со двомесечна пауза. Колку што знам, станува збор за лигаментите на коленото“, рече Един Авдиќ.
