Белгискиот тим Гент се пласира во четвртфиналето од Конференциската лига на УЕФА откако со убедливи 4:1 славеше на гостувањето во Истанбул против Башакшехир. Првиот дуел заврши 1:1, но Гент на гостински терен покажа дека е поквалитетен и дека оди понатаму.
Сите четири гола Гент ги постигна во првото полувреме, а во главна улога беше Гифт Емануел Орбан, кој постигна три гола. Нигерискиот напаѓач хет-трикот го постигна за неверојатни три минути.
Првиот гол Орбан го постигна во 31-вата минута, а следната минута повторно ја затресе мрежата на домаќините. Во 34-тата минута веќе беше 3:0 за Гент, а повторно стрелец беше Орбан. Турскиот тим во 88-мата минута постигна почесен погодок за 1:4.
3-minute hat-trick for Gent’s Gift Emmanuel Orban vs Basaksehir this evening.
31′ ⚽
32′ ⚽
34′ ⚽Remember the name. ⭐ pic.twitter.com/yrAif2mZNy
— tayo (@tayoolaosebikan) March 15, 2023
Орбан има само 20 години и тој се најавува дека ќе биде новата голема фудбалска ѕвезда. На последните два меча постигна вкупно седум гола, а откако му се приклучи на Гент, во девет дуели досега постигна 12 погодоци.
Gift Emmanuel Orban with a hat-trick vs Başakşehir today. 7 goals in his last 2 games – 12 goals in 9 games since joining Gent.
The pick of the bunch from today: pic.twitter.com/C8Q0bgSQMp
— The Next Wave (@_TheNextWave_) March 15, 2023
