Веќе долго време се шпекулира дека следната дестинација на Кевин де Бројне ќе биде Саудиска Арабија, но името на клубот не се откриваше. Сега веќе е познато и која е таа екипа, а на големо изненадување на сите, се работи за второлигаш од Саудиска Арабија.
Неом СЦ речиси сигурно следната сезона ќе игра во саудиската Про лига, па уште од сега се составува ростерот кој ќе го нападне врвот на табелата. Екипата е лидер со 10 поени предност на осум кола пред крајот и само чудо може да ги спречи да се пласираат во повисок ранг.
Договорот на Кевин де Бројне со Манчестер сити завршува со крајот на оваа сезона, па белгискиот репрезентативец ќе биде слободен фудбалер. Белгиецот на „Етихад“ пристигна во 2015 година од Волфсбург за 76 милиони евра, а за 10 сезони во редовите на Граѓаните настапи на 413 натпревари со ефект од 106 гола и 174 асистенции.
