Реал Мадрид во голем стил, со нов трофеј ја завршува 2024 година. Кралскиот клуб со 3:0 славеше над Пачука од Мексико во финалето на Интерконтиненталниот куп. Првиот гол за Реал го постигна Килијан Мбапе, и тоа во 37-мата минута, односно точно во 18:37 часот.
Интересно е дека точно пред две години, на истиот датум (18 декември), на истиот стадион во Катар, Мбапе постигна гол во 37-мата минута, односно точно во 18:37 часот. Тогаш тој беше во дресот на француската репрезентација, во финалето на Светското првенство против Аргентина.
Единствена, но огромна разлика од тој гол што Мбапе го постигна против Аргентина и тој сега против Пачука е што во 2022 година Французинот на крајот беше разочаран и поразен го напушти стадионот во Катар, е вечерва со Реал се радуваше на трофејот.
