Денвер нагетс го победи Голден стејт вориорс со 119-103 во натпревар од НБА-лигата, на кој Никола Јокиќ направи трипл-дабл со кој испиша историја.
Воините средбата ја почнаа со предност од 15-0, но подоцна гостите имаа две серии од по 14-0 и дојдоа до победата во дуелот на последните два шампиони во НБА.
Јокиќ имаше 32 поени и по 16 скокови и асистенции. Ова е трети пат во кариерата на Јокиќ да има трипл-дабл барем со 30 поени и 15 скока и асистенции, надминувајќи го Вилт Чемберлен, кој само двапати имал таков трипл-дабл. Повеќе такви трипл-дабли од Јокиќ во историјата на лигата имал само Оскар Робертсон (11).
Освен тоа, Јокиќ го надмина Леброн Џејмс на вечната листа по бројот на направени трипл-дабли во кариерата (Србинот има одиграно 1.034 меча помалку од првиот стрелец во историјата на НБА). Јокиќ има вкупно 139 трипл-дабли во НБА ако се сметаат и мечевите во плејоф.
A JOKER MASTERCLASS 🃏
32 PTS | 16 REB | 16 AST | 4 STL pic.twitter.com/ZcLaesDK4P
— NBA (@NBA) February 26, 2024