Од 13.30 часот се спушта завесата на лигашкиот дел на Чемпионшип, второто по квалитет натпреварување во Англија, а овие 12 меча ќе дадат одговори на многу отворени прашања во пресрет на последната рунда.
Оваа сезона се одиграа дури 540 натпревари, а има многу непознаници и во последниот ден од сезоната ќе се решава, речиси половина од тимовите во лигата играат за нешто.
Познато е дека тимовите што одат директно во Премиер лига се Лидс и Барнли, но останува да се види кој ќе биде шампион. Тимот од Јоркшир има подобра гол-разлика и ако победи во Плимут ќе заврши пред Барнли кој го пречекува Милвол.
Третиот и четвртиот се познати, ќе стартуваат од подобри позиции во полуфиналето од плејофот, тоа се Шефилд јунајтед и Сандерленд. Но затоа има вистинска возбуда за преостанатите две места во баражите.
Бристол сити е петти, и ќе остане таму со победа против Престон. Ковентри е на шестото место, последното кои носи плејоф, а ги чека директен дуел со Милдсброу кој е деветти, но има само два бода помалку од Ковентри.
Блекбурн се надева дека Ковентри и Милвол нема да победат, и би профитирале со триумф против Шефилд јунајтед.
Драма е и во битката за опстанок. Кардиф е единствениот што веќе испадна, Плимут практично им се придружи, па се бара третиот патник во понизок ранг.
Хал е во зоната за испаѓање, има 48 бода, еден помалку од Лутон, Престон и Дерби, 49, а математички не е сигурен ни Стоук кој има 50 бодови.
Има многу комбинации, тимови на кои им се потребни бодови и имаат поголеми мотиви, но во Англија ништо не се знае однапред, бидете подготвени на сè.
