Манчестер сити во следните две сезони ќе нема право на настап во Лигата на шампионите. Тоа е одлуката на УЕФА откако челниците на англискиот првак се разоткрија во финансиската афера со обид да се изигра финансискиот ферплеј. Граѓаните имаат право да се жалат на Судот за спортска арбитража, а Гери Невил, легендата на Манчестер јунајтед, смета дека преку правен пат Сити ќе го добие спорот и ќе ја тргне суспензијата.
„Сметам дека Сити ќе го добие спорот на суд. Воопшто не сум уверен во работата на УЕФА. Тоа е безнадежна организација која презема непредвидливи чекори. Спорот ќе трае некое време, но на крајот Сити ќе победи. Исто така смешни ми се приказните дека играчите ќе си заминат, само треба да покажат трпение и да ја остават управата да си ја врши работата“, изјави Невил за „Скај спортс“.
Засега е потврдено дека Манчестер сити ќе може да игра во европските натпреварувања дури од сезоната 2022/23, а воедно има шанси дополнително да бидат казнети од Англиската фудбалската асоцијација.
