Кошаркарите на Денвер нагетс победија на домашен терен против Атланта хоукс со 139-120 благодарение на уште еден трипл-дабл ефект на Никола Јокиќ.
Незадржливиот српски кошаркар постигна 23 поени, 17 скокa и 15 асистенции на овој дуел.
Јокиќ беше на чекор до трипл-дабл уште во првото полувреме, недостигајќи му само една асистенција. Сепак, својот 144-ти трипл-дабл во кариерата го потврди на почетокот од третата четвртина.
Џамал Мареј постигна 21 поен, додека Расел Вестбрук додаде 16 поени и 11 асистенции.
На спротивната страна, Тре Јанг постигна 30 поени и девет асистенции, а резервистот Де’Андре Хантер додаде 20.
Карл-Ентони Таунс постигна 31 поен и дури 21 скок во натпреварот во кој Њујорк никс ја оствари својата деветта последовна победа во лигата, триумфирајќи против Јута џез со 119-103.
Одличен настап имаше и Џош Харт со 15 поени, 14 скокa и 12 асистенции. Микал Бриџес постигна 27 поени, а ОГ Ануноби 22 за Никс, додека Џејлен Брансон го пропушти натпреварот поради полесна повреда.
Џордан Кларксон и Колин Секстон постигнаа по 25 поени за Јута џез, која го запиша својот петти последовен пораз.
Резултати: Детроит – Орландо 105-96, Вашингтон – Чикаго 125-107, Мајами – Њу Орлеанс 119-108, Њујорк – Јута 119-103, Торонто – Бруклин 130-113, Хјустон – Далас 110-99, Денвер – Атланта 139-120, Сакраменто – Филаделфија 113-107.