Пресметката од Дејвис купот меѓу Белгија и Чиле го одбележа мечот меѓу Кристијан Гарин и Зизу Бергс. Мечот заврши со дисквалификација на чилеанскиот тенисер, и тоа поради еден необичен испад.
Кулминацијата се случи во третиот сет, при водство на Бергс од 6:5. Белгискиот тенисер направи брејк и со подигнат прст замина кон клупата во знак на победа. На патот до својата клупа, Бергс го закачи Гарин и со рамото го удри во лицето. Чилеанецот падна на земја.
Бергс брзо се извини, а Чилеанецот бараше да добие службена победа и дисквалификација на неговиот ривал. Откако ова негово барање не беше задоволено, Гарин реши да не се врати на теренот.
Судијата на столот, Карлос Рамос, најпрво го предупреди Гарин да се врати на теренот, но откако повторно следуваше одбивање од Чилеанецот, мечот беше прекинат со дисквалификација на Гарин.
„Удирањето го сметам за несреќен случај и ненамерно. Не видов дека има некаква намера кај Бергс и затоа немаше негова дисквалификација“, објасни судијата Рамос.
Потоа следуваше и видување на Гарин.
„Наеднаш го видов Бергс како скока кон мене. Кратко бев во несвест, неколку секунди. Мислам дека тоа што го направи е непримерно“, рече чилеанскиот тенисер.
