Светското првенство во 2026 година ќе биде без една од најпопуларните африкански репрезентации, а тоа е Нигерија. Иако беа големи фаворити, Нигеријците вечерва загубија од ДР Конго и тоа дури по изведување на пенали, па нема да бидат дел од завршницата на Мундијалот.
По регуларните 90 минути, резултатот беше 1:1, а Нигерија иако во своите редови во нападот ги имаше светски познатите ѕвезди Виктор Осимен, Адемола Лукман и Самуел Чуквезе, не успеа да направи предност против ДР Конго кој беше во улога на фаворит.
Откако немаше погодоци и во дополнителните 30 минути, победникот мораше да се решава на пенали. Нигеријците од шест пенали што ги шутираа, промашија дури три пати, па на крајот ДР конго победи со 4:3 во пенал-рулетот и се пласираше во интерконтиненталниот бараж за пласман на планетарниот собир. ДР Конго последен пат бил дел од СП во далечната 1974 година, кога играше под името Заир.
