Македонскиот фудбалски репрезентативец Никола Серафимов со два гола на три меча во дресот на Левски се покажува како опасно напаѓачко оружје на Сините од Софија, иако главната работа му е да игра одбрана и да спречува голови на противниците.
Кога ќе постигне гол, секако, ниту тренерскиот штаб, ниту неговите соиграчи, ниту навивачите нема да му се лутат, напротив.
Никола со тоа што на своите први три официјални натпревари за Левски постигна два гола (по еден во првенството и Купот), го изедначи клупскиот рекорд на еден дефанзивец по број на голови на првите три меча. Серафимов уште не е стабилен стартер, често е резерва, но речиси максимално ги користи шансите што ги добива.
