Златан Ибрахимовиќ сепак ќе остане во тимот на ЛА галакси. Искусниот Швеѓанец нема да се врати во редовите на Милан, а причина за оваа промена на одлуката е неговото семејство. Шведскиот таблоид „Експресен“ тврди дека сопругата и двата сина на Златан преферираат да останат во Лос Анџелес отколку да се вратат во Европа.
Иако претходно беше најавено дека Ибрахимовиќ прифати неколку месечен договор и одредена плата за повторно да го облече црвено-црниот дрес, очигледно работите се сменија преку ноќ.
По оваа одлука, од раководството на ЛА галакси се подготени да му ја зголемат платата на Златан. Сето тоа ќе се реализира откако Алесандрини и Дос Сантос ќе го напуштат клубот и ќе ослободат финансиски средства за да ја обноват соработката со нивната „деветка“.
Голгетерот моментално заработува 1,5 милиони долари годишно, што е речиси четири пати помалку од годишната плата на Џовани дос Сантос, која изнесува шест милиони долари.
