Поранешниот бразилски репрезентативец Данис Алвес, минатиот понеделник излезе од затвор во Барселона откако плати кауција од милион евра и на слобода ќе ја чека пресудата по обвинението за силување, а медиумите изминатите денови се обидуваа да дознаат кој ја платил сумата и денеска конечно е разрешена и таа мистерија.
Иако првично беше објавено дека Нејмар ја платил кауцијата, потоа се споменуваше Мемфис Депај, а денеска шпанската новинарска Мариса Бласкез откри дека привремената слобода на Алвес ја плати бразилски магазин!?
Наводно Алвес се согласил бразилскиот магазин да добие ексклузивно интервју и да направи документарен филм за фудбалерот.
https://twitter.com/DeadlineDayLive/status/1774454384786620685?ref_src=twsrc%5Etfw%7Ctwcamp%5Etweetembed%7Ctwterm%5E1774454384786620685%7Ctwgr%5E1a3e529f8fef67efed848a9350de8be829e7507f%7Ctwcon%5Es1_&ref_url=https%3A%2F%2F24sedam.rs%2Fsport%2Ffudbal%2F292334%2Fdani-alves-nejmar-elmundo-deportivo%2Fvest
„Плаќањето на кауцијата всушност е гаранција за документарен филм“, објави новинарката Бласкез.
Наводно, интервјуто е веќе направено, а се очекува наскоро да се сними документарниот филм.
Дани Алвес е привремено на слобода по платената кауција, судот во Барселона му дозволи тој да не биде во затвор до носењето на правосилната одлука во процесот околу силување на девојка во ноќен клуб во шпанскиот град.
