Ерлинг Халанд ќе биде една од најголемите трансфер-ѕвезди во наредниот преоден рок, заедно со Килијан Мбапе.
И додека сите говорат дека Французинот потпишал договор со Реал Мадрид, за Норвежанецот е непознато каде ќе ја продолжи кариерата. Неговиот агент Мино Рајола преговара со неколку клубови, а последните информации велат дека Халанд ќе го смени Дортмунд со Манчестер.
Сити на Пеп Гвардиола е заинтересиран за напаѓачот и наводно му нуди неверојатна плата од 600 илјади евра. Медиумите тврдат дека Рајола е расположен за продажба на играчот, но и дека барал навистина голема отштета за него при реализација на трансферот.
Останува да се види дали моќните сопственици на Манчестер сити ќе се согласат на условите и од наредната сезона Халанд ќе го гледаме во Премиер лигата.
