Феенорд претрпе болен пораз во Лигата на Европа, откако на гостувањето кај романскиот ФЦСБ во Букурешт загуби со 4:3. Феенорд водеше со 3-1, но романскиот тим направи голем пресврт и на крајот славеше со 4-3. Разочарани од спортскиот неуспех, дел од навивачите на Феенорд ги надминаа сите граници за нормално однесување.
Неколку поединци решија своите фрустрации по поразот да ги искажат на најлош можен начин. Тие целосно го срушија станот што го изнајмиле во романската престолнина.
Шокантните снимки брзо се проширија на социјалните мрежи, покажувајќи го обемот на уништувањето. Хулиганите кршат мебел и друг интериер, дури рушат и дел од ѕидот, а станот буквално го руинирале.
🇳🇱🇷🇴 Dutch Footaball fans trashed an Airbnb in Bucharest after their team lost 4:3!
FC Steaua București snatched a dramatic 4-3 victory over Feyenoord. The Romanian side fought back, equalized, and scored in the final minute.
Apparently that made the Dutch fans angry pic.twitter.com/nXcrZ80htZ
— Lord Bebo (@MyLordBebo) December 13, 2025
Ова беше втора победа на ФЦСБ во лигашката фаза и прва по четири последователни порази. Романскиот тим е на 27 на табелата во Лигата на Европа со шест бода, а во следната рунда ќе гостуваат кај Динамо на Максимир во средината на јануари.
