Мануел Нојер успеа да ја сочува мрежата на Баерн Минхен без примен гол на гостувањето кај Аугсбург и со 196-тиот меч во кариерата без примен гол се израмни со легендата Оливер Кан.
Двајцата голмани на Баерн и на германската репрезентација, едниот сегашен, вториот поранешен, се на врвот на вечната листа во Германија со по 196 натпревари на кои не дозволиле да им се тресе мрежата.
196 – @Manuel_Neuer kept a clean sheet for the 196th time in the Bundesliga, equalling the all-time record held by @OliverKahn. Wall. @FCBayernEN #FCAFCB #Neuer pic.twitter.com/Fsnus9zfHn
— OptaFranz (@OptaFranz) January 20, 2021
Оливер Кан одамна е пензиониран, па Нојер има чист пат да биде сам на врвот и наскоро и да ја мине магичната граница од 200 меча без примен гол. Вчера имаше и среќа откако напаѓачот на Аугсбург, Алфред Финбогасон утна пенал во 77-мата минута, па Нојер му се радуваше на рекордот и на победата од 1:0 против локалниот ривал од Баварија.