Голманот на Баерн Минхен, Мануел Нојер, имаше фантастични девет одбрани во првиот натпревар од четвртфиналето на Лигата на шампионите против Реал Мадрид (1-2) и заслужено го доби признанието за „играч на натпреварот“. Ова е најдобриот настап на 40-годишниот Германец во елиминациската фаза на Лигата на шампионите во последните девет години. Во април 2017 година тој блесна со 10 одбрани во четвртфиналниот натпревар, повторно против Реал Мадрид.
Дури и кога Килијан Мбапе конечно постигна гол, Нојер, наизглед во безнадежна ситуација по шут од близина, сепак беше блиску до одбрана.
На „Бернабеу“ синоќа Нојер се доближи до совршенството и одигра речиси перфектен натпревар. Единствениот недостаток беа неколку лоши додавања во првото полувреме, едно од нив доведе до шанса за гол за Мбапе, но ветеранот потоа се реваншира и со одлична одбрана.
Сè уште не е јасно дали оваа сезона ќе биде неговата последна во кариерата. Тој сѐ уште е фантастичен на голот и извори од клубот велат дека Баерн е подготвен да му понуди уште еден договор. Сепак, последниот збор дали ќе продолжи ќе го има самиот Нојер.
