Работнички продолжува да ја применува праксата од оваа сезона и повторно ќе игра во вечерен термин, во сабота против Вардар во рамки на шесттото коло од домашното првенство.
„Романтичарите“ се навикнаа на настпи под рефлектори, а така ќе биде и на соседското дерби во сабота. Мечот ќе се игра на националната арена „Филип Втори“ во Скопје, еден ден порано од останатите дуели.
Ова ќе биде премиера на шесттото коло во кое уште ќе играат и Силекс со Шкендија, Победа со Академија Пандев, Шкупи со Македонија Ѓ.П. и Ренова со Беласица.
Овие четири дуели ќе се играат во недела од 15:30 часот.
