Српскиот тенисер Новак Ѓоковиќ ја продолжува одбраната на титулата на турнирот од серијата Мастерс 1000 во Рим откако во осминафиналето беше подобар од 13-тиот тенисер на светот, Камерон Нори.
Ѓоковиќ за 88 минути игра со 6:3,6:4 го победи Нори и се пласира во четвртфиналето, каде што ќе игра со подобриот од мечот меѓу Холгер Руне и Алексеј Попирин, кој е во тек.
Новак рутински го одработи првиот сет, одлично сервираше и на противникот не му дозволи ниту една брејк-шанса. Од друга страна, Ѓоковиќ го одзеде сервисот на Нори во вториот гем, што се покажа како доволно за водство од 1:0 во сетови.
That moment at the net between Djokovic and Norrie: pic.twitter.com/2NKhxq1jcM
— José Morgado (@josemorgado) May 16, 2023
Вториот сет започна слично како и првиот, Ѓоковиќ направи брејк во третиот гем, но овојпат Нори возврати во четвртиот гем и притоа направи неспортски потег. Тој на брејк-топка, смечуваше во нозете на Новак, кој беше свртен со грбот. Тој потег го налути Новак, кој заигра уште подобро и во деветтиот гем направи брејк без загубен поен и си обезбеди пласман во четвртфиналето.
Таму е и Александер Зверев, кој во два сета со 6:4,7:5 го победи Американецот Волф.
