Кристијано Роналдо даде гол од пенал во победата на Ал Наср над Ал Етифак од 3-1 во дуел од фудбалското првенство во Саудиска Арабија, а ова за 38-годишниот Португалец е дури 51-ви гол годинава.
Роналдо во 2023 даде 41 гол за Ал Наср, и 10 за португалската репрезентација. Повеќе голови од него годинава постигнаа само Хари Кејн и Килијан Мбапе, по 52, еден повеќе од Роналдо. До крајот на 2023, Ал Наср треба да одигра уште две средби, па реално е Роналдо да ги надмине и Кејн и Мбапе.
Португалецот по осми пат во кариерата една календарска година ја завршува со 50 или повеќе голови, а води голема трка со Александар Митровиќ за најдобар стрелец во саудиската лига.
Ал Наср на Роналдо има 10 бода помалку од лидерот Ал Хилал, а тимот на Роналдо има одиграно еден меч помалку.
