Милвоки бакс предводен од незадржливиот Јанис Адетокумбо славеше победа над Чикаго на домашен терен со 122-106. „Бакси“ од првиот момент доминираа на паркетот и не дозволија никаква неизвесност, а Јанис мечот го заврши со неверојатни 41 поен и буквално сам ги победи „биковите“ од Чикаго.
Филаделфија го доживеа и петтиот пораз во низа откако изненадувачки загуби на гостувањето кај Мемфис со 117-111 и „76-ките“ на последните 11 натпревари имаат дури 10 порази.
Кливленд и Оклахома ја оправдаа фаворитската улога и забележаа убедливи победи над Њу Орлеанс, односно Портланд на домашен терен.
Резултати:
Кливленд – Њу Орлеанс 128-100
Милвоки – Чикаго 122-106
Хјустон – Индијана 130-113
Мемфис – Филаделфија 117-111
Оклахома – Портланд 109-99
Голден стејт – Атланта 120-97
Феникс – Њујорк 122-138
ЛА Клиперс – Орландо 104-93
