Фудбалерите на англискиот првак Манчестер сити се наоѓаат во катастрофална форма во последните два месеца, а Пеп Гвардиола никако не може да најде начин за крај на резултатската криза.
Нп, проблемите за Шпанецот и неговиот тим само се зголемуваат. Минатиот викенд загубија од Манчестер јунајтед на „Етихад“, иако изгледаше дека дербито ќе биде решено во нивна корист бидејќи водеа до 88-та минута.
Сега објави дека тимот ќе остане без столбот во одбраната Рубен Дијас околу еден месец.
„Рубен ќе биде надвор од протокол три или четири недели. Станува збор за мускулен проблем. Играше 75 минути против Јунајтед и почувствува нешто. Но, тој е силен и сакаше да остане на теренот“, изјави Гвардиола.
Португалскиот стопер одигра 13 натпревари во Премиер лигата оваа сезона, а вкупно 19 во сите натпреварувања.
Мануел Аканџи, Матео Ковачиќ и Џон Стоунс се вратија во нормален тренажен процес кај Граѓаните кои ги очекува дуел со Астон Вила.
