Фудбалерите на Баерн Минхен доживеаја нов шок, откако не успеаја да го победат Фрајбург на гости, иако беа многу блиску до такво нешто. „Баварците“ одиграа само 2-2, откако најпрво губеа, па направија пресврт, за на крајот да примат погодок во самиот финиш од мечот.
Домашните во водство дојдоа во 12-тата минута преку Гинтер, но Баерн израмни во 35-тата преку Тељ. Во второто полувреме се чинеше дека работите си дојдоа на свое место, кога Мусиала стрелаше за водство на Баерн од 1-2 во 75-тата минута.
Сепак радоста кај фудбалерите и навивачите на Баерн Минхен траеше само десеттина минути, со оглед на тоа дека Холер во 87-мата минута ги постави конечните 2-2, што веројатно најголема радост донесе во Леверкузен, бидејќи „фармацефтите“ сега имаат шанса дополнително да ја зголемат предноста на врвот од Бундес лигата.