Кризата во Мадрид повеќе не е само резултатска. Кралевите се мачат да фатат победнички ритам, а ситуацијата дополнително се комплицира со зголемената листа на повредени фудбалери, проблем што сериозно го ограничува маневарскиот простор на тренерот Алваро Арбелоа.
Најновиот удар е тешката повреда на Родриго, кој вчера влезе како резерва против Хетафе. Медицинските прегледи покажаа дека Бразилецот ги скинал предните вкрстени лигаменти на коленото и дека ќе паузира најмалку девет месеци. За него оваа сезона е завршена, нема да настапува ниту на Светското првенство, а ќе пропушти и дел од следната клупска сезона.
Листата на отсутни во Реал Мадрид е сериозна. Покрај Мбапе и Родриго, повредени се и Џуд Белингам и Едер Милитао. Поради суспензија ќе недостасуваат и Дин Хујсен и Франко Мастантуоно, додека настапот на Давид Алаба останува неизвесен.
