Вест Бромич албион синоќа без многу проблеми со 3:0 славеше против Саутхемптон во меч на кој е видена една од најконтроверзните судиски одлуки сезонава, а е поврзана со ВАР-технологијата. Домаќините поведоа уште во четвртата минута, но судиите и ВАР-системот го поништија тој погодок.
ВАР-системот прегледуваше и утврди дека Кајл Баркли навистина беше во минимален офсајд, но проблемот е тоа што Баркли не беше играчот кој даде гол и не требаше да се мери неговата позиција. Погодокот го постигна Мбаје Дијагне, кој очигледно беше во дозволена позиција, а Баркли воопшто не влијаеше во целата ситуација за погодокот.
„Поради позицијата на камерата, не можеа да повлечат линија низ телото на Дијанге, па остана одлуката за офсајд“, рече коментаторот на „Скај спорт“.
За среќа на ВБА, домаќините во продолжение на средбата постигнаа уште три погодоци и на крајот стигнаа до сигурна победа.
