Навивачите на Атлетико Мадрид се научија на драматични дуели на „Ванда Метрополитано“, а овојпат таа драма беше со среќен крај за нив. Шпанскиот првак се намачи, но на крајот успеа да го победи Еспањол со 2:1 и да остане во Топ 4 на табелата.
Сите погодоци беа постигнати во второто полувреме, а Атлетико поведе со погодокот на Караско во 52 минута. Во 71 минута Кондогбија заработи црвен картон, па Атлетико остана со играч помалку, а Еспањол брзо израмни преку Де Томас.
Судијата покажа пет минути продолжување, а токму во петата минута, од надополнувањето се случи ситуација во противничкиот шеснаесетник кога ВАР системот покажа дека има пенал за Атлетико.
Дури во 10 минута од судиското надополнување Караско го изведе пеналот и погоди за победа на Атлетико од 2:1. Атлетико сезонава има освоено 10 бодови благодарение на погодоци дадени по 90 минута.
10 – Atlético de Madrid have won 10 points after scoring in the 90th minute or later in LaLiga this season, more than any other team in the competition. Suffering. pic.twitter.com/IwnwgtJ0Ph
— OptaJose (@OptaJose) April 17, 2022
