Новак Ѓоковиќ успеа да дојде во полуфиналето на Отвореното првенство на САД откако го совлада домашниот тенисер Тејлор Фриц со максимални 3-0.
Србинот уште во првиот сет покажа кој е фаворит и го доби сетот со убедливи 6-1 со три брејк топки, но и еден изгубен сервис.
Вториот и третиот сет завршија со идентични 6-4 за Новак Ѓоковиќ. Во вториот сет клучен момент беше брејкот во третиот гејм што го направи Србинот, а потоа само успеа да го одбрани својот и да дојде до водство од 2-0.
Најмногу возбудувања имаше во третиот сет. Ѓоковиќ направи брејк во седмиот гејм и кога се чинеше дека финишот ќе биде само формалност, го загуби следниот сервис и Фриц израмни на 4-4. Сепак, веднаш потоа во деветтиот гејм следуваше нов брејк на Ѓоковиќ, кој на крајот се покажа како доволен за освојување на сетот и победа од 3-0.
