По неколку дена малтретирање и поминати во изолација заедно со мигрантите во Мелбурн, Новак Ѓоковиќ денеска конечно се најде на терените на Отвореното првенство на Австралија. Најдобриот тенисер во светот, кој има освоено девет трофеи на гренслемот во Мелбурн, сега треба да се фокусира за нов, јубилеен 10-ти трофеј на првиот гренслем во сезоната.
„Задоолен сум и благодарен што судијата ми го поништи укунувањето на визата. И покрај тоа што се случи, сакам да останам и да се натпреварувам на Отвореното првенство на Австралија. Останувам фокусиран на тоа. Дојдов тука за да играм на еден од најважните настани што ги имаме, и тоа пред неверојатните навивачи“, порача Ѓоковиќ.
Додека Новак тренира на „Род Левер арената“, неговото семејство во Белград организираше прес-конференција. Таткото Срѓан беше запрашан дали сите овие проблеми ќе имаат влијание врз Новак, а одговорот беше оригинален.
„Тие не знаат што направија. Сега му дадоа дополнителна сила. Новак ќе освои уште 10 гренслем-титули“, порача Срѓан.
I’m pleased and grateful that the Judge overturned my visa cancellation. Despite all that has happened,I want to stay and try to compete @AustralianOpen
I remain focused on that. I flew here to play at one of the most important events we have in front of the amazing fans. 👇 pic.twitter.com/iJVbMfQ037— Novak Djokovic (@DjokerNole) January 10, 2022
