Светскиот рекет број 1, српскиот тенисер Новак Ѓоковиќ, својот прв настап на АТП 250 турнирот во Бања Лука, ќе го има задутре против Французинот Лук Ван Аш, со што е спречена нова пресметка на старите познаници Ѓоковиќ и Станислас Вавринка.
И Ѓоковиќ рече дека е изненаден од поразот на искусниот Швајцарец, но го пофали 18-годишниот Ван Аш, кој триумфираше и покрај тоа што првиот сет го загуби со 1-6.
Го прашаа Новак кој му е најсериозен противник, а даде интересен одговор.
„Има еден Србин, него ако го совладам, можам секого да победам. Се вика Новак Ѓоковиќ. Тој секогаш ми бил најголема пречка. Таа борба со самиот себеси е постојана, сакаш да се доведеш во психофизички баланс и да одиграш како што сакаш“ – рече Ѓоковиќ.
