Новак Ѓоковиќ на последните шест изданија на Вимблдон играше во финалето или вкупно одигра 10 финални дуели на најпрестижниот тениски турнир во светот. Србинот има седум трофеи, само еден помалку од рекордерот, Роџер Федерер, па затоа големо внимание привлече прашањето на еден од новинарите на прес-конференцијата после поразот од Јаник Синер, а тоа гласеше: „дали ова беше последниот меч на Вимблдон за Нова Ѓоковиќ во кариерата?“
„Би бил тажен доколку ова беше мојот последен натпревар на Вимблдон, но се надевам дека нема да биде. Планирам да се вратам тука барем уште еднаш, не планирам да ја завршам кариерата денес.“ – одговори Ѓоковиќ, на големо задоволство на тениските фанови ширум светот.
