Новак Ѓоковиќ првпат отворено говореше околу забраната да игра на Отвореното првенство во САД бидејќи не е вакциниран против корона-вирусот.
Оваа забрана сепак не важи за американските тенисери, кои пак и без вакцина може да учествуваат, па српскиот тенисер не ја разбира логиката во овој исклучок.
„Разговарав со Тенис Сандгрен во последниве неколку дена, би сакал да му се заблагодарам за поддршката. Она што го кажа, потполно има смисла – доколку на невакцинирните тенисери не им е дозволено да учествуваат, тогаш тоа правило треба да важи за сите. Граѓанин на САД тенис може да игра без вакцина, а јас не. Можеби ми треба пасош бидејќи не гледам медицински причини да не добијам дозвола да играм. Веројатно се работи за политичка логика, но не би навлегувал во таа тема“, истакна Ѓоковиќ.
Останува неговата желба да се натпреварува на овогодишниот последен гренслем, но и да не му биде дозволено, нема да биде крај на светот за Новак. Моментално е фокусиран да ја одбрани титулата на Вимблдон.
