Американската тинејџерка Кори Гоф ја порази петкратната победничка на Вимблдон, Венус Вилијамс, со 6-4, 6-4 и најави дека во САД може да бидат мирни по повлекувањето на сестрите Вилијамс бидејќи тука е талентираната Коко, како што самата сака да ја викаат.
Коко Гоф има само 15 години и стана најмладата тенисерка во последните 28 години која добила меч на лондонскиот гренд слем. Таа триумфираше против 24 години постарата Венус Вилијамс, поради која и почнала да игра тенис.
Нејзиниот успех не е преку ноќ, таа лани го освои јуниорскиот Ролан Гарос, а на главниот турнир на Вимблдон се проби преку квалификациите. Во второто коло Гоф ќе игра со Рибарикова.
Со 15 години и 122 денови, Американката стана најмладата тенисерка која успеала да се пласира на главен турнир на еден гренд слем турнир, а пред неа се уште многу рекорди кои може да ги урне за време на Вимблдон ако продолжи да игра како против сонародничката и нејзин идол.
Ова е победничкиот поен на Коко кој предизвика воодушевување кај публиката:
Made for the big stage ✨@CocoGauff becomes the youngest player since 1991 to win in the first round of the ladies' singles, beating Venus Williams 6-4, 6-4#Wimbledon pic.twitter.com/hfgcQGdZtq
— Wimbledon (@Wimbledon) July 1, 2019
