Реал Мадрид паузата во Ла Лига поради квалификациите за ЕП 2024 ја искористи за да ги продолжи договорите со Федерико Валверде и Едуардо Камавинга за уште една сезона и да им ја зголеми откупната клаузула.
Валверде и Камавинга со новите договори наместо до 2027, кралскиот дрес ќе го носат до 2028 година.
Освен што Реал Мадрид ја обезбеди иднината, Валверде и Камавинга влегоа во „клубот милијарда“, односно откупната клаузула за нив изнесува изнесува точно милијарда евра.
Сега Реал Мадрид има дури петмина фудбалери за кои заинтересираните екипи мора да платат отштета од милијарда евра доколку ги сакаат во своите редови. Покрај Уругваецот и Французиниот, тука се и Винисиус жуниор, Родриго и Едер Милитао.
