Изборот на Ерик Адамс за нов градоначалник на Њујорк сезонава може да има влијание и врз расплетот во НБА-лигата. Ако Адамс ги оствари најавите дека ќе ја укине рестрикцијата за невакцинираните луѓе (забранет влез во сала за невакцинирани) која постои само во Њујорк и Сан Франциско, Ирвинг ќе може да игра за Бруклин нетс и ќе биде големо засилување за тимот во битката за шампионскиот прстен.
Ирвинг не сака да се вакцинира против ковид-19 и затоа е одлучено да не тренира и да не игра за Мрежичките, иако на гостувањата (освен кај Голден стејт) тој и невакциниран смее да игра. Но, на 1 јануари, кога Адамс ќе седне во градоначалничката фотелја, рестрикцијата за Кајри може да биде укината. Нетс одвај чекаат такво нешто.
