Дирк Новицки за последен пат го носеше дресот на Далас во поразот од Сан Антонио во последниот меч од регуларната сезона во НБА. Четириесетгодишниот сега веќе пензиониран кошаркар настапи рекордно во 21 сезона како член на Маверикс, но тој нема намера да се раздели од тексашката франшиза.
Сопственикот на Далас, Марк Кјубан, планира да му даде посебна функција на Новицки во клубот, и тоа во блиска иднина. Како што изјави Кјубан, наскоро ќе се случи состанокот со Германецот во кој ќе се одлучува која ќе биде неговата идната позиција во Далас.
Тренер нема да биде, тоа е сигурно, Новицки ќе добие многу поважна улога, слична на амбасадор, а ќе биде инволвиран и во самиот проект на Далас.
