Напаѓачот на Штутгарт, Ник Волтемаде, постигнал договор со Баерн Минхен за трансфер во редовите на германскиот шампион. Според информациите, 23-годишниот фудбалер и Баерн имаат комплетен „дил“, а Волтемаде сака веднаш да се приклучи на баварскиот гигант.
Сепак, засега не се водат официјални разговори меѓу двата клуба. Волтемаде има договор со Штутгарт до 2028 година и во него нема откупна клаузула, а клубот немаше намера да го продава. Сепак, блесокот на фудбалерот може да ја промени стратегијата на клубот.
Потенцијалниот договор со Баерн би бил со важност до 2030 година, а личните услови на играчот се веќе договорени и трансферот е одобрен од раководството на минхенскиот клуб.
За Ник Волтемаде има интерес и од Реал Мадрид, Челзи, ПСЖ и неколку други европски гиганти по неговите одлични игри во изминатиот период.
