Од вчера почна типувањето за 30-тото коло сезонава од бесплатната Спортска прогноза, а предизвик за играчите е да се погодат сите 13 натпревари од топ 5 европските лиги.
Во претходните три кола, најмногу што погодуваа прогнозерите беа десет пара и редно е после три „стативи“ да има играчи кои ќе добијат вредносни ваучери од 1.000 или 500 денари за 12 односно, 11 погодоци, па зошто да не и премијата која сами ја бирате.
Прогнозерот со 13 погодени натпревари одбира еден од подароците (Смарт ТВ самсунг 55” 4K, Xiaomi електричен тротинет, X Box Series X).
Типувањето за 30-тото коло трае до сабота во 15.30 часот, за кога е закажан првиот меч од основната понуда. Тука се и двата резервни пара кои се пресметуваат во трката во генералниот пласман, каде што најмногу профитираат оние најредовни играчи.
