Новите сопственици на Њукасл имаат големи амбиции за следната сезона, кога планираат да ја нападнат титулата во Премиер лигата и сакаат нападот да го предводи дуото на Тотенхем.
Англиските медиуми пишуваат дека во летниот преоден рок, главна цел на управата на Њукасл ќе биде тандемот на Тотенхем, Хари Кејн и Хеунг-мин Сон.
Њукасл нема да има проблем да ја плати отштетата што би ја барал Тотенхем бидејќи е најбогат клуб на светот откако беше преземен од Државниот инвестициски фонд на Саудиска Арабија, кој е под директна надлежност на престолонаследникот Мохамед бин Салман.