Компанијата ОПТА, која се бави со спортска аналитика, постојано ја ажурира листата на најдобрите светски клубови и ги пресметува во ранг-листата сите натпревари кои ќе ги одиграат екипите.
На најновата листа лидер останува екипата на Манчестер сити, пред Баерн Минхен и Ливерпул. Тоа значи дека нема никакви промени во водечката тројка. Реал Мадрид е на петтата позиција, додека Барселона е дури на 11-тото место.
Најдобриот клуб надвор од Европа е бразилскиот Палмеирас на 68-мата позиција, додека од клубовите од Саудиска Арабија најдобропласиран е Ал-Итихад на 166-тото место.
Во списокот на најдобрите клубови во светот има и 31 клуб од Македонија. Актуелниот шампион Струга е најдобропасирана екипа на 396-тата позиција, пред Шкендија и Шкупи, додека Вардар е на 1463-тото место во светот.
