Најтрофејниот европски кошаркарски тренер Жељко Обрадовиќ вели дека кај него играат тие што мисли дека треба да играат и дека не гледа кој каков пасош има. Ова доаѓа по критиките дека во Партизан странците имаат многу поважна улога од домашните.
И на дуелот со МЗТ Скопје често се случуваше на терен во петорката на Црно-белите од Белград да нема бел играч, туку само црни.
„Не ме интересира кој каков пасош има, не го гледам тоа. Ме интересира само кој како тренира и што покажува на терен на самиот меч. Тоа се критериуми кои одлучуваат кој колку минути ќе биде во игра“, изјави Обрадовиќ пред гостувањето кај Басконија од Евролигата.
