Партизан е новиот шампион во АБА-лигата откако синоќа победи со 96:85 против вечниот ривал Црвена ѕвезда во одлучувачкиот петти меч. Во последните неколку минути, Црно-белите направија солидна предност и во финишот немаше неизвесност, а домашните навивачи почнаа да слават уште пред да заврши дуелот.
Тренерот на Партизан, Жељко Обрадовиќ, беше многу лут и буквално збесна кога на неколку секунди пред крајот виде еден навивач покрај него како скока и се радува. Обрадовиќ веднаш му даде „воспитна“ на навивачот и го натера да се тргне од паркетот за да заврши мечот на регуларен начин.
Веднаш потоа Матијас Лесор почна да го прегрнува Обрадовиќ и да се радува, но и тука искусниот стратег налутено побара неговиот играч да го пушти и тоа за да може да оди да се поздрави со тренерите на Црвена ѕвезда. Со овој потег популарниот Жоц само уште еднаш потврди дека е вистински господин и не сакаше веднаш да се радува, туку да даде респект кон противникот.
Željko Obradović bolado com o banco comemorando antes do fim HAHAHAHAHAHAHAHAHAHAHpic.twitter.com/YtKd4BgncJ
— Tabela de Ferro – Basquete Europeu (@TabelaDeFerro) June 22, 2023
