Пол Погба пред неколку дена обелодени дека размислува за нов предизвик во кариерата. Тоа значи дека е подготвен по три години да го напушти „Олд Трафорд“, па алармите во Реал Мадрид и Јувентус се вклучија и веќе подготвуваат понуди за францускиот репрезентативец.
Имено, раководството на Јунајтед нема лесно да се откаже од Погба, а како што известуваат англиските медиуми, тие веќе му понудиле нов договор кој според заработката, би бил рекорд во Премиер лигата. Челниците се надеваат дека 500.000 фунти неделна плата (50.000 фунти повеќе од Алексис Санчес) се доволно голема причина за Погба да ја смени одлуката и да остане на Островот.
Од друга страна, пак, Реал Мадрид исто така подготви понуда, таа треба да пристигнедо таборот на Јунајтед во висина од 100 милиони евра, додека, пак, Јувентус собира средства за да им конкурира на Кралевите за потписот на Французинот.
Несомнено, ова ќе биде една од најитересните трансфер-саги за ова лето, а конечната одлука може да ја донесе само Погба.
