Репрезентацијата на Мароко беше најпријатното изненадување на Светското првенство во Катар и стана првата африканска земја која стигна до полуфинале на планетарниот собир. Еден од оние играчи кои блеснаа на Мундијалот беше и Азедин Онахи.
Играчот од средниот ред е член на францускиот Анже, кој е последнопласиран во Лига 1. Младиот 22-годишен Онахи се најде во фокусот на неколку поголеми клубови, а најсериозен е англискиот Лестер. Според реномираниот весник „Л’Екип“, челниците на Лестер би биле подготвени да платат и до 40 милиони евра за трансфер на овој играч од екипа која е на дното во француското првенство.
На Мундијалот во Катар, Онахи беше стартер на првите шест меча, а единствено на последната средба, против Хрватска во борба за третото место, влезе како резерва и ги одигра последните 35 минути. Онахи вкупно на СП одигра дури 570 минути, во кои и го покажа целиот свој потенцијал.
RUMEURS MERCATO 🚨
Ounahi est bien cité à l’@OM_Officiel , mais il sera très compliqué de lutter, notamment face à Leicester qui pourrait offrir jusqu’à 40M€.@LCFC serait effectivement prêt à mettre les moyens pour s’offrir les services du milieu relayeur. #ounahi #Transfers pic.twitter.com/6FsIUv9hHY— Talk Football Club (@talkfootclub) December 21, 2022
