Барселона синоќа повторно ги разочара своите фанови откако одигра само 1:1 на „Камп Ноу“ против Алавес и продолжи со очајните игри, дури и по смената на тренерот Роналд Куман.
Освен двата гола, на стадионот се случи еден немил настан. Во 41 минута, Серхио Агуеро наеднаш се фати за градите и за вратот, покажувајќи дека не може да дише. Напаѓачот на Барселона потоа падна на теренот, а лекарите брзо реагираа и го изнесоа од теренот.
Агуеро веднаш бил пренесен во болница, а од Барселона објавија детали околу целиот настан. Фудбалерот почувствувал болки во градите и се пожалил на тешко дишење, па затоа морало итно да биде пренесен во болница. Уште вечерва му биле направени сите кардиолошки тестови, а во текот на денешниот ден се очекуваат да излезат и резултатите и да се знае дали Агуеро има некој сериозен здравстен проблем.
| @aguerosergiokun reported chest discomfort and has been admitted to the hospital for a cardiac exam pic.twitter.com/7du9VIz5zO
— FC Barcelona (@FCBarcelona) October 30, 2021
