Еден вистински фудбалски уметник, Франк Рибери, објави дека ја завршува фудбалската кариера, а за тоа му беа потребни само три збора на неколку јазици.
„Топката застанува тука“, објави францускиот ас на социјалните мрежи.
https://twitter.com/FranckRibery/status/1583417352716099584?s=20&t=YidDVxIyyeKcXbAFNiOrXg
Еден од најдобрите дриблери во светот на фудбалот одигра 81 меч за Франција и постигна 16 гола, а беше светски вицешампион со Триколорите во 2006 година.
Има пехари на клупската сцена со Галатасарај, Марсеј и најмногу со Баерн Минхен, дури 23, а од нив највреден е тој во Лигата на шампионите во сезоната 2012-2013 година.
Има и еден куп индивидуални признанија, а последен клуб со кој сè уште има актуелен договор до јуни идната година, но нема да го одработи е Салернитана во Серија А.
