Партизан и Црвена Ѕвезда имаат одиграни дури 288 кошаркарски дерби дуели, но вечевра прв пат играат во Евролигата. Сезонава двата српски клуба се дел од елитното натпреварување, а Партизан ја доби шансата да биде домаќин на првото европско дерби.
Арената во Белград е исполнета до последно место, а навивачите на Партизан направија одлична атмосфера пред мечот. Меѓу повеќе од 15.000 навивачи кои пееја за Партизан беше и фудбалскиот репрезентативец Александар Митровиќ.
Најдобриот стрелец во историјата на фудбалската репрезентација на Србија е поранешен играч на Партизан. Откако Србија беше елиминирана на Светското првенство во Катар, Митровиќ се врати во Белград и не ја пропушти можноста да биде дел од ова историско градско дерби.
Aleksandar Mitrovic taking in the atmosphere! #EveryGameMatters pic.twitter.com/Jj9axVq2fO
— Turkish Airlines EuroLeague (@EuroLeague) December 8, 2022
