ЦСКА Софија вчера го именуваше Алан Пердју за нов технички директор. Англискиот стратег првпат се наоѓа во оваа улога, а воедно ќе ја извршува должноста и како спортски директор, што значи дека ќе биде одговорен и за ангажманите на екипата.
Пердју тргна во нова интересна авантура иако главно тренерската кариера, која му почна во 1998 година, му се одвиваше во родната Англија. Од менаџер на Вест хем и Њукасл, стигна да раководи во бугарскиот клуб, а минатата сезона беше тренер на холандскиот прволигаш Ден Хаг.
Пердју со менаџирање почна во Ридинг, а покрај Вест хем и Њукасл, работеше уште во Чарлтон, Саутхемптон, Кристал палас и ВБА.
BREAKING: CSKA-Sofia have appointed ex-#whufc, #nufc and #wba manager Alan Pardew as their new technical director! pic.twitter.com/msHqsqcinG
— Metodi_Shumanov (@shumanskoo) November 23, 2020
