Атлетико Мадрид од пред некоја година може да се пофали дека го има еден од најубавите стадиони во Европа, на „Ванда Метрополитано“ лани се играше и финалето на Лигата на шампионите, но на фановите во срцето им е и „Висенте Калдерон“, на кој клубот пет децении играше како домаќин и стадион на којшто славеа титули.
Уривањето на култниот „Калдерон“ е при крај, за еден месец ќе го снема и последниот дел од трибините, па во иднина никој нема да верува дека на тоа место се наоѓал еден од мадридските фудбалски храмови. Парцелата на која беше сместен стариот стадион беше продадена за 180 милиони евра.
Според фотографиите, може да се види дека е урнат речиси целиот стадион, освен ѕидот на некогашната централна трибина, а наскоро и овој ѕид ќе падне.
