Елиминацијата на Реал Мадрид од Купот на кралот предизвика бура од потсмев, а неочекуван „поздрав“ до Кралскиот клуб стигна од фудбалското џуџе Сан Марино! Репрезентацијата која е најслаба во светски рамки според рангирањето на ФИФА, реши преку својот официјален твитер-профил да потстира епска објава.
Реал Мадрид неочекувано со 3:2 загуби на гостувањето од второлигашот Албасете и мадридскиот гигант е елиминиран од Купот на Шпанија. Веднаш по завршувањето на тој меч, се јавија од Сан Марино со понуда да одиграат пријателски меч против Реал.
„Здраво, Реал Мадрид. Забележавме дека тим од втората лига во Шпанија ве елиминира од Купот. Повторно загубивте. Мислиме дека сме во позиција да играме против вас бидејќи нашето ниво е исто, често губиме. Кога ќе бидете подготвени да играме, ние сме подготвени. Прегратки“, се вели во предизвикот упатен од Сан Марино до Реал Мадрид.
Hola, @realmadrid. Observamos que los eliminó un equipo de segunda división de España y que volvieron a hacer un papelón. Creo que estamos en condiciones de jugar contra ustedes, creo que tenemos niveles parecidos ya que también hacemos papelones. Cuando quieran jugamos. Abrazo.
— San Marino Fútbol 🇸🇲 (@SanMarinoTeam) January 14, 2026
